Taksidə yer üstündə adam bıçaqlayan hərəkat sədri HƏBS OLUNDU

Binəqədi Rayon Məhkəməsində Bakıda 37 yaşlı kişini bıçaqlamaqda təqsirləndirilən "D18" Hərəkatının sədri kimi tanınan Əhməd Məmmədlinin barəsində həbs qətimkan tədbirinin seçilməsi ilə bağlı təqdimata baxılıb.

Oxu.Az-ın məlumatına görə, məhkəmə istintaq orqanının təqdimatını təmin edib və Əhməd Məmmədli barəsində 4 ay həbs qətimkan tədbiri seçib.

Qeyd edək ki, Əhməd Məmmədli mayın 6-da axşam saatlarında Biləcəri qəsəbəsində 1988-ci il təvəllüdlü Vüqar Rasim oğlu Dünyamalıyevi bıçaqlayıb. Yaralı xəstəxanaya yerləşdirilib. Hadisəni törətməkdə şübhəli bilinən 2001-ci il təvəllüdlü Əhməd Vüqar oğlu Məmmədli olduğu müəyyən edilərək saxlanılıb.

Faktla bağlı Binəqədi Rayon Polis İdarəsində Cinayət Məcəlləsinin 126-cı maddəsi ilə cinayət işi başlanıb.

Aqil Vəlili