Lənkəranın Kərgəlan kəndində 16 yaşlı Emil İbadovun döyülməsi faktı ilə bağlı bəzi detallar məlum olub.
Oxu.Az Baku TV-yə istinadən xəbər verir ki, Emil İbadovun əmisi yeniyetmənin vəziyyətinin ağır olduğunu bildirib:
"Atam zəng vurdu ki, uşağı vurub, beynini yarıblar, reanimasiyadadır. 10-15 dəqiqəyə özümü çatdırdım. Həkimlər süni nəfəs veriblər. Vəziyyəti çox ağırdır".
Hadisəni törətməkdə şübhəli bilinən şəxs polis əməkdaşları tərəfindən saxlanılıb. Faktla bağlı araşdırma aparılır.
Lənkəranda gənclər arasında dava bir nəfərin komaya düşməsi ilə nəticələnib.
Oxu.Az "Report"a istinadla xəbər verir ki, hadisə Kərgəlan kəndində baş verib.
Kənd sakini - 2010-cu il təvəllüdlü E.İbadov tanışları ilə mübahisə zəminində döyülüb.
Zərərçəkən Lənkəran Rayon Mərkəzi Xəstəxanasına çatdırılıb. Ona kəllədaxili travma diaqnozu qoyulub. E.İbadov reanimasiya şöbəsinə yerləşdirilib, süni tənəffüs aparatına qoşulub.
E.İbadova ağır xəsarət yetirməkdə şübhəli bilinən İ.B. polis əməkdaşları tərəfindən saxlanılıb.
Faktla bağlı araşdırma aparılır.
