Nevşehirdə dəhşətli hadisə: Eyvandan yıxılan iki yaşlı uşağın ANBAAN GÖRÜNTÜLƏRİ

Türkiyənin Nevşehir şəhərində qorxulu hadisə baş verib. Suriyalı ailənin 2 yaşlı Muhəmməd Nur Əl-Muhəmməd adlı övladı yaşadığı 3 mərtəbəli binanın ikinci mərtəbəsindəki evin pəncərəsindən müvazinətini itirərək birbaşa küçədə yerləşən zibil konteynerinə düşüb.

Oxu.Az-ın İHA-ya istinadla verdiyi məlumata görə, hadisə nəticəsində azyaşlı ciddi xəsarətlər alıb.

Hadisə anı ərazidəki təhlükəsizlik kameraları tərəfindən qeydə alınıb.

Nevşehirdə dəhşətli hadisə: Eyvandan yıxılan iki yaşlı uşağın ANBAAN GÖRÜNTÜLƏRİ

Kadrlarda körpənin konteynerə düşdüyü, eləcə də həmin vaxt orada olan pişiyin qorxu içində qaçdığı aydın şəkildə görünür.

Yaxınlıqdakı sakinlərin xəbərdarlığı ilə hadisə yerinə dərhal polis və təcili tibbi yardım briqadaları cəlb olunub.

Xəsarətlər alan uşaq təcili olaraq Nevşehir Dövlət Xəstəxanasına çatdırılıb.

Aparılan müayinələr zamanı körpənin sağ qolunda sınıq aşkarlanıb. Hazırda onun müalicəsi xəstəxanada davam etdirilir.

Hadisə ilə bağlı araşdırma başladılıb.