Ən son xəbərləri bizim "X" səhifəmizdə izləyin

Rusiya sülhməramlısı “Report”un avtomobilinə avtomat silahla zərər yetirib - YENİLƏNİB + VİDEO
Şuşa ərazisində Rusiya sülhməramlılarının müvəqqəti nəzarətində olan yolun bir hissəsində azərbaycanlı fəallar və ekologiya üzrə qeyri-hökumət təşkilatları (QHT) üzvlərinin Qarabağ iqtisadi rayonunda ekoloji terrora son qoyulması tələbi ilə keçirilən etiraz aksiyasının işıqlandırılmasında iştirak edən “Report” İnformasiya Agentliyinin avtomobilinə zərər yetirilib.
“Report”un hadisə yerində olan əməkdaşı xəbər verir ki, sülhməramlıların hərbçisi əlindəki avtomat silahın qundağı ilə avtomobili əzib.
Hazırda aksiya davam edir.
11:16
Azərbaycanın qeyri-hökumət təşkilatlarının, ictimai-siyasi fəalların Rusiya sülhməramlılarının müvəqqəti yerləşdiyi ərazilərdə keçirdiyi aksiyada rusiyalı hərbçilər zor tətbiq ediblər.
Belə ki, sülhməramlılar Laçın yolunu bağlayan ekofəalların işinə maneə yaradırlar.
Hərbçilər hadisələri işıqlandıran jurnalistlərin də peşə fəaliyyətinə mane olurlar.
Onlar “Report” İnformasiya Agentliyinə məxsus avtomobilin üzərinə gedərək ona zərbələr endiriblər.
"Laçın" teqi üzrə xəbərlər
- Qələbəyə aparan yol - Aprel döyüşlərindən doqquz il ötür
- Laçının özünəməxsus bitkisi: "Sağlamlıq, mədə-bağırsaq üçün faydalıdır, vitaminlərlə zəngindir"
- Firudin Qurbanov: "STEAM Azərbaycan" layihəsi Laçın, Zabux və Şuşa məktəblərində baş tutacaq"
- Xocalı, Xankəndi, Şuşa və Susda ilk dəfə buraxılış imtahanı keçiriləcək
- Laçının tarixi məhəllələri haqqında maraqlı faktlar