Kraliça II Elizabetdən sonra ən uzun müddət taxta oturan hökmdar kimi tarixə düşən Danimarka Kraliçası Marqret düz bir il əvvəl bütün dünyanı təəccübləndirərək tacını oğluna vermişdi. O, yaşının və səhhətindəki problemlərin təsiri ilə belə bir qərar verdiyini bildirmişdi. Lakin əslində qərarının arxasında başqa bir həqiqət olduğu məlum olub.
Oxu.Az-ın verdiyi məlumata görə, bu barədə "Hurriyet" xəbər yayıb.
Bildirilir ki, Kral Frederik və Kraliça Meri bir il ərzində verdikləri sevgi dolu pozlar və qatıldıqları mərasimlərlə kral ailəsinin imicini gücləndiriblər.
Lakin əslində bu möhtəşəm anların arxasında evliliklərini kölgələyən qaranlıq bir sirr dayanır. İddiaya görə, ötən may ayında evliliklərinin 20-ci ildönümünü qeyd edən cütlüyün münasibətləri o qədər gərgindir ki, rəsmi kraliyyət portretində belə yan-yana gəlmək istəməyiblər, fotolar ayrı-ayrı çəkilib və montaj edilib.
Səbəb isə Frederikin taxta çıxmazdan əvvəl xanımı Merini aldatmasıdır. Şahzadənin Genoveva Kazanova adlı bir xanımla münasibəti Danimarkada uzun müddət müzakirə mövzusu olub.
Bu xəyanət nəticəsində Kraliça Marqretin üzərinə düşən çətin vəzifə oğlunu bu vəziyyətdən qurtarmaq olub. Ana Marqret Frederikin imicini düzəltmək üçün öz nüfuzunu riskə ataraq taxtını oğluna verməyi qəbul edib.
Frederik vəliəhd şahzadə olarkən boşanma hüququna sahib olsa da, artıq taxtda oturan bir kral olduğu üçün krallıq qaydalarına görə həyat yoldaşından boşanma şansı yoxdur. Kraliça Meri də beləliklə, uğradığı xəyanətin sübutu əlində olsa belə, bu barədə nə danışa bilir, nə də kral həyat yoldaşından ayrıla bilir.
Qeyd edək ki, Frederik və Merinin 19 yaşlı vəliəhd şahzadə Kristian, 18 yaşlı şahzadə İzabella və 14 yaşlı əkizlər şahzadə Vinsent və şahzadə Jozefin adlı övladları var.
