Türkiyə televiziya tarixinin ən çox izlənilən seriallarından olan "Kurtlar vadisi"ndə "Cerrahpaşalıların ablası" obrazını canlandıran aktrisa Şıvga Gerez vəfat edib.
Bu barədə Oxu.Az "TGRT Haber"ə istinadən xəbər verir.
Məlumata görə, 1970-ci il yanvarın 29-da anadan olan sənətçi uzun müddətdir xərçəng xəstəliyi ilə mübarizə aparırdı.
Şıvga Gerez bir müddət əvvəl sosial media hesabında pərəstişkarları üçün ümidverici paylaşım etmişdi.
"Xərçənglə mübarizəmiz başlayıb", - deyə o bildirmişdi.
Lakin sənətçi xəstəliyi məğlub edə bilməyib və 56 yaşında dünyasını dəyişib.
