Xocavənd rayonunun Hadrut qəsəbəsində "Azərişıq" ASC-nin 10 illiyinə həsr olunmuş paylayıcı şəbəkələrin mütəxəssisləri arasında ümumrespublika peşə ustalığı yarışlarının final mərhələsi başa çatıb.
Oxu.Az-ın məlumatına görə, tədbirin sonunda qaliblər açıqlanıb. Final mərhələdə birinci yerin qalibi "Şuşa" komandası müəyyən edilib. Yarış üzrə ikinci yerin qalibi "Lənkəran", 3-cü yerləri isə "Ağsu" və "Zaqatala" komandaları olub.
Qaliblərə diplom və bahalı hədiyyələr təqdim olunub.
Xocavənd rayonunun Hadrut qəsəbəsində "Azərişıq" ASC-nin 10 illiyinə həsr olunmuş paylayıcı şəbəkələrin mütəxəssisləri arasında ümumrespublika peşə ustalığı yarışlarının final mərhələsinə start verilib.
Oxu.Az-ın məlumatına görə, yarışlar üç mərhələdə keçirilir.
Qaydalara görə, birinci mərhələdə komandalara ümumilikdə 50 sual təqdim olunur. İlk 40 sual 1 balla, son 10 sual 2 balla qiymətləndirilir. Suallar elektroenergetikanın əsasları, "Azərişıq" ASC-nin son 5 ildə işğaldan azad olunmuş ərazilərdə yenidənqurma və bərpa işləri, tətbiq olunan innovativ texnologiyalar, həyata keçirdiyi irimiqyaslı layihələr, Azərbaycan Respublikasının Prezidenti İlham Əliyevin rəhbərliyi ilə son 10 ildə ölkəmizin enerji təhlükəsizliyinin təmin edilməsi sahəsində həyata keçirdiyi islahatlar haqqında olub.
Komanda ümumi olaraq bu mərhələdə 60 maksimum bal əldə edə bilər. Səhv cavablar düzgün qeyd olunmuş cavablara təsir etmir.
Yarışın ikinci mərhələsində komandaların toplaya biləcəyi maksimum bal 90 müəyyən edilib. Mərhələ üç tapşırıqdan ibarət olub.
1. KTM-in təmirə çıxarılması (30 bal, 15 dəqiqə)
2 Dayaqdan gərginlik altına düşmüş şəxsin xilas olunması, yerində süni nəfəs və ürək masajının edilməsi (40 bal, 8 dəqiqə)
3. Yuvada baş vermiş yanğının söndürülməsi (20 bal, 2 dəqiqə)
Yarışda 10 kV-luq dayaqdan gərginlik altına düşmüş şəxsin azad olunması və ilkin tibbi yardımın göstərilməsi, kabel xəttindəki zədənin aşkar edilməsi üçün "Azərişıq" ASC-nin Laboratoriyanın operativ qrupu dövriyyəyə girərək, yeraltı kabelində zədənin olub olmaması xüsusi texniki vasitələrlə yoxlanılır. Operativ qrup tərəfindən kabelin zədəli olduğu hissəsi aşkar edilir.
Bu tapşırıqları yerinə yetirən komanda nümunəvi mərhələnin qalibi elan edilir.
Tədbirdə bildirilib ki, yeni nəsil energetiklərin innovasiya və ustalıq müsabiqəsi "Azərişıq" ASC-nin yaranmasının 10 illik yubileyinə həsr olunub. Ənənəvi yarışdır və hər il keçiriləcək. Yarışda 11 komanda iştirak edir.
İntellektual hissədə komandalara 50 sual təqdim olunacaq. Suallar ümummilli lider Heydər Əliyevin Azərbaycanın elektroenergetika sisteminin qurulmasında və inkişafında xidmətləri, Prezident İlham Əliyevin rəhbərliyi ilə son 10 ildə ölkəmizin enerji sektorunun daha da təkmilləşdirilməsi istiqamətində aparılan islahatlar barədə, "Azərişıq" ASC-nin 5 il ərzində işğaldan azad olunmuş ərazilərdə həyata keçirdiyi irimiqyaslı layihələr haqqında olacaq.
Samir Əli
