"Cənubi Qafqazda sülh və rifah üçün tarixi bir imkan yaranıb. Bu mərhələdə də, hər zaman olduğu kimi, Azərbaycanın yanındayıq".
Oxu.Az xəbər verir ki, bunu Türkiyənin Azərbaycandakı səfiri Birol Akgün 30 avqust - Zəfər bayramı münasibətilə Bakıda keçirilən qəbulda deyib.
Diplomat Azərbaycan və Ermənistan arasında davamlı sülhün bərqərar olunmasına yönəlmiş son razılaşmanı alqışladıqlarını və bu yolda Azərbaycanın yanında olacaqlarını vurğulayıb:
"Türkiyə olaraq biz bu imkandan faydalanmaq istiqamətindəki səyləri dəstəkləməyə və qardaş Azərbaycanın yorulmaz fəaliyyətində onun yanında olmağa davam edəcəyik".
Mərahim Nəsib
