Dünya İqtisadi Forumunun hesabatı: Azərbaycan üçün əsas risk süni intellektdir

Dünya İqtisadi Forumu (WEF) ortamüddətli dövrdə əsas riskləri müəyyən edən bu il üçün qlobal risklər hesabatını dərc edib. Azərbaycanda risk kimi ilk növbədə süni intellektin inkişafını əsas göstərib.

Oxu.Az-ın verdiyi məlumata görə, bu barədə WEF-in saytında dərc olunan hesabatdan aydın olub.

Bildirilir ki, "Global Risks Report 2025" dünya üzrə 900-dən çox ekspertin qiymətləndirmələri əsasında hazırlanıb.

Sənəddə dünya üçün üç risk növü təsvir edilib - cari və yaxın (2025-ci ildə), qısamüddətli və ortamüddətli (2027-ci ilə qədər), uzunmüddətli (2035-ci ilə qədər).

Analitiklər dövlətlər arasındakı silahlı münaqişələri 2025-ci ildə dünya miqyasında əhəmiyyətli böhrana səbəb ola biləcək ən ehtimallı amillərdən biri hesab ediblər. Lakin 10 ildən sonra ən narahatedici risk iqlim dəyişikliyi olacaq.