Biz, Azərbaycan-İsrail münasibətlərinə həmişə pozitiv yanaşmışıq.
Oxu.Az APA-ya istinadən xəbər verir ki, bunu Fələstinin Azərbaycandakı səfiri Nasir Əbdül Kərim deyib.
Azərbaycanın tarixi və prinsipial məsələlərdə həmişə Fələstin xalqının tərəfində olduğunu vurğulayan səfir qeyd edib ki, bütün beynəlxalq təşkilatlar çərçivəsində də Azərbaycan Fələstinlə həmrəy olub:
“Ötən il BMT Baş Assambleyasında Azərbaycan Fələstinin BMT-də daimi müşahidəçi olmasına nəinki səs verib, həm də qətnaməni aktiv şəkildə dəstəkləyib. Biz hesab edirik ki, Azərbaycan mövcud olan yaxşı əlaqələri ilə İsrailə elə təsir edə bilər ki, bunun Fələstin xalqına xeyri olar. Biz, Azərbaycanın İsraillə münasibətlərinə pozitiv baxırıq və bunda heç bir neqativ kölgə axtarmırıq”.
