Ən son xəbərləri bizim Telegram kanalımızda izləyin

Fransa tərəfindən işğal edilmiş Mayot adasının nümayəndələri Bakıda bir araya gələcəklər
Sentyabrın 2-3-də Fransanın neokolonializm siyasətindən əziyyət çəkən müstəqil Qəmər Adaları İttifaqı dövləti, habelə Fransa tərəfindən işğal edilmiş Qəmər adalarının tərkib hissəsi olan Mayot adasının ictimai-siyasi xadimləri, diplomatlar, elmi dairələrinin nümayəndələri, qeyri-hökumət təşkilatlarının rəhbərləri, siyasi partiyalarının üzvləri Bakıda bir araya gələcəklər.
APA xəbər verir ki, səfər çərçivəsində qonaqlar bir sıra ikitərəfli görüşlər keçirəcək, həmçinin, Nizami Kino Mərkəzində Qəmər Adaları İttifaqının Mayot adasına həsr edilmiş "Mayot. Ölüm adası" adlı qısametrajlı filmin nümayişində iştirak edəcəklər.
Tədbirdə Bakı Təşəbbüs Qrupunun İcraçı direktoru Abbas Abbasov, filmin hazırlanmasında iştirak etmiş "CBC TV" kanalının nümayəndəsi, eləcə də qonaqlar çıxış edəcəklər.
Qeyd edək ki, "Mayot. Ölüm adası" qısametrajlı filmində Qəmər arxipelaqının çağdaş dövrdə üzləşdiyi çağırışlar və işğalın nəticələrindən bəhs edilir. Fransanın işğal etdiyi Mayot adasında yoxsulluq səviyyəsində yaşayan yerli sakinlərlə Fransadan buraya köçürülmüş zəngin fransızlar arasında həyat səviyyəsinin fərqi filimdə aydın şəkildə göstərilib.
Tədbir sentyabrın 2-də Nizami Kino Mərkəzində keçiriləcək.
"Fransa" teqi üzrə xəbərlər
- Trampdan Makronun narahatedici jestinə reaksiya
- Rəsmi Bakı Fransanın Ermənistandakı səfirinin anti-Azərbaycan iddialarına cavab verib
- Fransada Rusiya Baş Konsulluğunun yanında PARTLAYIŞ TÖRƏDİLDİ
- Barro: "Rusiya Fransanın düşmənidir"
- ABŞ Ukraynaya sülhməramlı kontingent göndərməyə hazırlaşır? - Tramp AÇIQLADI