İrakli Kobaxidze İlham Əliyev haqqında: "Siz fərqli bir lidersiniz və bizim üçün də nümunəsiniz"

Gürcüstanın Baş naziri İrakli Kobaxidze partiyasının parlament seçkilərində qələbəsi münasibətilə təbriklərinə görə Prezident İlham Əliyevə təşəkkür edib.

Oxu.Az AZƏRTAC-a istinadən bildirir ki, bu barədə o, dövlətimizin başçısı ilə mətbuata birgə bəyanatında deyib.

Partiyasının qələbəsinin bölgəmizdə sabitliyin və təhlükəsizliyin təmin edilməsi, ölkələrimizin münasibətləri baxımından əhəmiyyətli olduğunu vurğulayan baş nazir qeyd edib:

"Bu, müstəsna əhəmiyyətə malikdir. Siz regionda fərqli bir lidersiniz və bizim üçün də nümunəsiniz. Siz ölkənizə dövlətinizin mənafelərini qorumaqla rəhbərlik edirsiniz. Bu gün burada olmaq məndə böyük şərəf və məmnunluq doğurur".

İrakli Kobaxidze İlham Əliyev haqqında: "Siz fərqli bir lidersiniz və bizim üçün də nümunəsiniz"