“Azərsu” magistral kəmərlərin su ilə doldurulmasına başlayıb

Kür və Ceyranbatan sutəmizləyici qurğularına elektrik enerjisinin verilişi bərpa olundu.

“Azərsu” ASC-nin mətbuat xidmətinin rəhbəri Anar Cəbrayıllı Oxu.az-a bildirib ki, qurğularda suyun emalına, paralel olaraq magistral kəmərlərin su ilə doldurulmasına başlanılıb.

Mərhələli şəkildə aparılan işlərin nəticəsi olaraq tam rejim sabah səhər satlarında mümkün olacaq.

Oğuz-Qəbələ-Bakı su kəmərini qidalandıran quyulara isə elektrik enerjisinin verilişi hələlik bərpa olunmayıb.

20:25

Bakı və ölkənin elektrik enerjisi təchizatında yenidən problemin yaranması səbəbindən əhalini içməli su ilə təmin edə bilmirik. 

Bu barədə Oxu.Az-a “Azərsu” ASC-nin Mətbuat xidmətinin rəhbəri Anar Cəbrayıllı məlumat verib.

Onun sözlərinə görə, Kür və Ceyranbatan sutəmizləyici qurğularında suyun emalı dayanıb.

www.oxu.az