19 
May
2019
00:13
35
146
2376
Virtual karabakh

Masallıda qanunsuz ağac kəsimi: nazirlik hərəkətə keçdi - FOTO/VİDEO

Masallıda ayrı-ayrı adlarda müxtəlif diametrli 14 ağac qanunsuz şəkildə kəsilib.

Oxu.Az-ın bölgə müxbirinin xəbərinə görə, ağac kəsimi faktı Qəriblər meşəbəyliyinin 5 saylı meşə dolayında qeydə alınıb. 

Meşədə palıd, dəmirağac, qızılağac, azat və vələs ağacları kəsilib. Xanalion kənd sakinləri yaşıllıqların qanunsuz şəkildə kəsilməsində Zabit adlı meşəbəyi və onun övladlarını təqsirli bilirlər. Belə ki, iddialara görə, həmin şəxslər ağacları kəsib “mavi yanacaqla” təchiz edilməmiş kəndlərə satırlar.

Faktla bağlı Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova ilə əlaqə saxladıq. O bildirib ki, 1 saylı Regional Ekologiya və Təbii Sərvətlər İdarəsinin əməkdaşları artıq hadisə yerində araşdırmalara başlayıb.

Rövşən Əzimov

Bizimlə əlaqə saxlayın

Digər Cəmiyyət xəbərləri