Nazir idarə rəisini işdən çıxardı

Daxili İşlər Nazirliyində növbəti kadr dəyişikliyi baş tutub. 

Oxu.Az-ın məlumatına görə, bununla bağlı müvafiq əmri Daxili İşlər naziri, general-polkovnik Vilayət Eyvazov imzalayıb.

Əmrə əsasən, Bakı Şəhər Baş Polis İdarəsinin Kadrlar İdarəsinin rəisi, polis polkovniki Elçin Əsədov vəzifəsindən azad edilib. 

Onun işdən azad edilməsinin səbəbi xidmətdə olmanın son yaş həddi ilə bağlı təqaüdə göndərilməsidir.

İlhamə Əbülfət