Fövqəladə hallar nazirinin müavini vəfat etdi – FOTO

Azərbaycanın fövqəladə hallar nazirinin müavini, daxili xidmət general-leytenantı Nazim Məmmədov dünyasını dəyişib.

“Report”un məlumatına görə, o, bu gün vəfat edib.

Fövqəladə Hallar Nazirliyindən N.Məmmədovun ölüm xəbərini təsdiqləyiblər.

Nazim Məmmədov 8 oktyabr 1951-ci ildə Naxçıvan Muxtar Respublikasının Ordubad rayonunda anadan olub.

Əmək fəaliyyətinə 1973-cü ildə Ordubad şəhərində başlayıb. 1976-1995-ci illərdə Ordubad şəhərində müxtəlif təşkilatlarda işləyib.

1995-ci ildən Azərbaycan Respublikası Dövlət Gömrük Komitəsində çalışıb. 1999-cu ildə isə "Təfəkkür” Universitetinin hüquq fakultəsini bitirib.

2007-ci ilin dekabrından Dövlət Gömrük Komitəsinin sədr müavini, gömrük xidməti general-leytenantı olub.

2018-ci ildə Fövqəladə Hallar Nazirliyində nazir müavini işləməyə başlayıb. 

Ailəlidir, 3 övladı var.