Səmayə Həşimova: “Allah şəhidlərin xatirəsini ehtiramla yad edən, unutmayan hər kəsdən razı olsun”

“Bu gün Polad Həşimovun ad günüdür. Oğlum yaşasaydı 48 yaşı olacaqdı”.

Oxu.Az xəbər verir ki, bu sözləri Azərbaycanın Milli Qəhrəmanı, şəhid general-mayor Polad Həşimovun anası Səmayə Həşimova İkinci Şəhidlər xiyabanında oğlunun 48-ci doğum günü münasibətilə təşkil edilən mərasim zamanı deyib.

O bildirib ki, şəhid anaları bu gün Poladın xatirəsini yad edirlər:

“Bütün şəhidlərimizin ruhları şad olsun, məkanları cənnət olsun. Şəhid anaları Qarabağımızı azad edən igid oğulları yetişdiriblər. Bir daha belə itkilərimiz olmasın. Allah şəhidlərin xatirəsini ehtiramla yad edən, unutmayan hər kəsdən razı olsun”.

Könül Cəfərli