Xoşbəxt Yusifzadə dəfn olunub - YENİLƏNİB + FOTO/VİDEO
Xoşbəxt Yusifzadə dəfn olunub - YENİLƏNİB + FOTO/VİDEO
Azərbaycan Dövlət Neft Şirkətinin (SOCAR) birinci vitse-prezidenti, neftçi-alim, geoloq, akademik Xoşbəxt Bağı oğlu Yusifzadə dəfn edilib.
Oxu.Az xəbər verir ki, mərhumun nəşi Birinci Fəxri xiyabanda torpağa tapşırılıb.
Daha çox foto burada: PhotoStock.az
14:06
Ötən gün vəfat edən Azərbaycan Dövlət Neft Şirkətinin (SOCAR) birinci vitse-prezidenti, akademik Xoşbəxt Yusifzadə son mənzilə yola salınır.
Oxu.Az bildirir ki, Xoşbəxt Yusifzadə Birinci Fəxri xiyabanda dəfn olunur.
13:23
Ötən gün vəfat edən Azərbaycan Dövlət Neft Şirkətinin (SOCAR) birinci vitse-prezidenti, akademik Xoşbəxt Yusifzadə ilə vida mərasimi başa çatıb.
Oxu.Az xəbər verir ki, vida mərasimində dövlət qurumlarının rəsmiləri, ailə yaxınları, dostları iştirak ediblər.
11:32
Ötən gün vəfat edən Azərbaycan Dövlət Neft Şirkətinin (SOCAR) birinci vitse-prezidenti, akademik Xoşbəxt Yusifzadə ilə vida mərasimi başlayıb.
Oxu.Az xəbər verir ki, vida mərasimi Azərbaycan Milli Elmlər Akademiyası Rəyasət Heyətinin binasında keçirilir.
Mərhum akademik ilə vida mərasimində dövlət qurumlarının rəsmiləri, ailə yaxınları, dostları iştirak edirlər.
Daha çox foto burada: PhotoStock.az
09:52
Ötən gün Azərbaycan Dövlət Neft Şirkətinin (SOCAR) birinci vitse-prezidenti Xoşbəxt Yusifzadə 93 yaşında vəfat edib.
Oxu.Az-ın məlumatına görə, akademik Xoşbəxt Bağı oğlu Yusifzadə ilə vida mərasimi 4 oktyabr 2023-cü il tarixində saat 12:00-da Azərbaycan Milli Elmlər Akademiyası Rəyasət Heyətinin binasında - Bakı şəhəri, İstiqlaliyyət küçəsi 30-da olacaq.
Geoloq bu gün Birinci Fəxri xiyabanda dəfn olunacaq.
Qeyd edək ki, Xoşbəxt Bağı oğlu Yusifzadə 14 yanvar 1930-cu ildə Bakıda anadan olub.
O, 1987-ci ildə Azərbaycanın mühəndis-geoloqu, geologiya-mineralogiya elmləri doktoru adına layiq görülüb. 2007-ci ildən professor, AMEA-nın həqiqi üzvü olub.
Son olaraq isə Azərbaycan Respublikası Dövlət Neft Şirkətinin geologiya, geofizika və yataqların işlənməsi üzrə birinci vitse-prezidenti vəzifəsini icra edib.
Nəzrin Vahid