22 
Fev
2024
15:14
192
31
8172
Virtual karabakh

Ötən gün vəfat edən Xalq yazıçısı dəfn edildi - YENİLƏNİB + FOTO/VİDEO

22 Fev, 2024
15:14
8172

Ötən gün vəfat edən Xalq yazıçısı dəfn edildi - YENİLƏNİB + FOTO/VİDEO

Bizim WhatsApp kanalımıza buradan abunə ola bilərsiniz

Ötən gün vəfat edən Azərbaycanın Xalq yazıçısı Mövlud Süleymanlı Şamaxı rayonunun Kərkənc kəndində dəfn olunub.

“Report”un Yuxarı Şirvan bürosu xəbər verir ki, mərhum öz vəsiyyətinə uyğun olaraq anasının məzarı yanında torpağa tapşırılıb.

Dəfn mərasimində mədəniyyət nazirinin müşaviri Orxan Fikrətoğlu, Şamaxı Rayon İcra Hakimiyyətinin başçısı Tahir Məmmədov, Mədəniyyət Nazirliyinin Dağlıq Şirvan Regional Mədəniyyət İdarəsinin rəisi Səxavət Məmmədov, digər dövlət rəsmiləri, M.Süleymanlının ailə üzvləri, qələm dostları, ictimaiyyət nümayəndələri iştirak ediblər.

Bu gün Şamaxının Cümə məscidində Xalq yazıçısının vəfatı ilə bağlı ehsan süfrəsi açılacaq.

12:09

Xalq yazıçısı Mövlud Süleymanlı ilə vida mərasimi başa çatıb.

Oxu.Az xəbər verir ki, mərhumun Bakıdakı evində baş tutan vida mərasimində onun ailə üzvləri və yaxınları, mədəniyyət nazirinin müavini Səadət Yusifova, Yazıçılar Birliyinin sədri Anar Rzayev, nazirliyinin digər nümayəndələri iştirak ediblər.

11:07

Ötən gün vəfat edən Xalq yazıçısı Mövlud Süleymanlı ilə vida mərasimi keçirilir.

Oxu.Az xəbər verir ki, mərhumun Bakıdakı evində baş tutan vida mərasimində onun ailə üzvləri və yaxınları, mədəniyyət nazirinin müavini Səadət Yusifova, Yazıçılar Birliyinin sədri Anar Rzayev, nazirliyinin digər nümayəndələri iştirak edirlər.

Xatırladaq ki, Xalq yazıçısı vəsiyyətinə uyğun olaraq Şamaxı rayonunda anasının yanında dəfn olunacaq.

09:40

Xalq yazıçısı Mövlud Süleymanlının vida mərasiminin yeri açıqlanıb.

Bu barədə Oxu.Az-a ailəsindən məlumat verilib.

O qeyd edib ki, yazıçı vəsiyyətinə uyğun olaraq öz anasının yanında dəfn ediləcək:

“Bizə vəsiyyət etmişdi ki, Şamaxıda anasının yanında dəfn edək. Vida mərasimi isə onun Bakıdakı evində olacaq”.

Xatırladaq ki, Xalq yazıçısı Mövlud Süleymanlı beyninə qansızma (insult) diaqnozu ilə bir neçə gün əvvəl xəstəxanaya yerləşdirilmişdi. O, ötən gün vəfat edib.

Nəzrin Vahid

Bizimlə əlaqə saxlayın

Digər Cəmiyyət xəbərləri