Malavi prezidentindən koronavirusa qarşı oruc və dua tövsiyəsi

Malavi Prezidenti Lazarus Çakvera COVID-19-la mübarizədə dua etməyin və oruc tutmağın müsbət nəticələr verə biləcəyini qeyd edib.

“HaberGlobal” məlumat verir ki, Malavi prezidenti təklifini jurnalistlər üçün təşkil etdiyi mətbuat konfransında dilə gətirib.

“Koronavirusla mübarizə çərçivəsində bütün dindar vətəndaşlarımızı üç gün ərzində oruc tutmağa və dua etməyə dəvət edirəm”, - deyə L.Çakvera vurğulayıb.

Qeyd edək ki, Malavi Respublikasında 2 712 nəfərin koronavirusa yoluxduğu aşkarlanıb, 51 xəstə pandemiyanın qurbanı olub.