Juninyodan onu bəyənməyən azarkeşlərə CAVAB – Növbəti qolunu vurdu

Qış transfer pəncərəsində "Qarabağ"dan "Flamenqo"ya transfer edilən və azarkeşlərin performansından narazı qaldıqları Juninyo reaksiyasını növbəti qolunu vurmaqla verib.

Oxu.Az xəbər verir ki, o, Quanabara kubokunun "Fluminense" ilə ilk final matçında fərqlənib. 66-cı dəqiqədə meydana çıxan 28 yaşlı forvard 10 dəqiqə sonra komandasının səfər görüşündəki ikinci qolunun müəllifi olub. Görüş "Flamenqo"nun 2:1 hesablı qələbəsi ilə başa çatıb.

Bu, Juninyonun "qırmızı-qaralar"ın heyətində ikinci qoludur. Zədə səbəbindən bir ay meydanlardan uzaq qalan forvard daha əvvəl Quanabara kubokunun VIII turunda "Portuquesa" ilə görüşdə fərqlənib.

Qeyd edək ki, finalın cavab görüşü martın 16-da baş tutacaq.