Husilər ABŞ ilə danışıqlara hazırdırlar

"Yəmənin "Ənsar Allah" hərəkatından olan husilər sülhə nail olmaqdan ötrü ABŞ administrasiyası ilə danışıqlara başlamağa hazırdırlar".

Oxu.Az xəbər verir ki, bunu husilərin adı açıqlanmayan nümayəndəsi "Al Araby" telekanalına deyib.

Onun sözlərinə görə, bunun üçün Vaşinqton danışıqlar aparmaq niyyətində olduğunu bəyan etməlidir:

"Danışıqlar üçün kanallar açıq olmalıdır, biz həmişə dialoqu dəstəkləmişik".

Xatırladaq ki, ABŞ martın 15-də Yəməndə husilərə zərbələr endirməyə başlayıb.