Mərhum Xalq artisti Amaliya Pənahovaya aid qılınc Türkiyədə satışa çıxarılıb.
Oxu.Az "Teleqraf"a istinadən xəbər verir ki, tanınmış aktrisanın 1993-cü ildə Türkiyədə bir quruma və ya şəxsə hədiyyə etdiyi qılınc auksion saytlarının birində yer alıb.
Hədiyyə qılıncın üzərində yazılıb: "Türkiyə Cümhuriyyətinin yaranmasının 70 illiyi şərəfinə! Bakı Bələdiyyə Teatrından. Amaliya Əliş qızı Pənahova. 29.10.1993".
Xatırladaq ki, Amaliya Pənahova 1992-ci ildə Bakı Bələdiyyə Teatrını yaradıb, bu teatra orta və yaşlı nəsillə yanaşı, gənc istedadlı aktyorları da cəlb edib.
Xalq artisti 2018-ci ildə vəfat edib.
Qaynar xətt:
(055) 224 12 12
