Bakının Xətai rayonu ərazisində avtomobil yanır.
Bu barədə Oxu.Az-ın qaynar xəttinə (+994 55 224-12-12) məlumat daxil olub.
Qeyd edilib ki, Babək prospektində, "Babək Plaza"nın qarşısında "KIA Optima" avtomobili alışıb.
Hadisənin hansı səbəbdən baş verdiyi haqqında məlumat yoxdur.
Oxu.Az-ın sorğusuna cavab olaraq Fövqəladə Hallar Nazirliyinin (FHN) Mətbuat Xidmətindən bildirilib ki, nazirliyin "112" qaynar telefon xəttinə paytaxtın Xətai rayonu, Babək prospektində avtomobildə yanğın baş verməsi barədə məlumat daxil olub.
"Məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub. Yanğınsöndürənlərin çevik müdaxiləsi sayəsində KIA markalı minik avtomobilində baş vermiş yanğın qısa müddətdə söndürülüb", - deyə məlumatda bildirilir.
