Bu gün Ümumdünya Radio Günüdür

Fevralın 13-ü Beynəlxalq Radio Günüdür.

Bu gün 1946-cı il fevralın 13-də "BMT radiosu"nun ilk dəfə efirə çıxması ilə əlaqədar seçilib. Ümumdünya Radio Günü bütün radio həvəskarları arasında əməkdaşlığı möhkəmlətmək və informasiyadan hamının istifadə etməsi imkanlarını artırmaq məqsədilə keçirilir. Radioverilişlər ən müxtəlif mövzular üzrə demokratik müzakirələr üçün platforma rolunu oynayır. Radio vasitəsilə son dərəcə vacib məlumat ötürülür və mühüm mövzular geniş işıqlandırılır.

Azərbaycanda Radio Günü hər il noyabrın 6-da qeyd olunur. Bu tarixin seçilməsi isə Dövlət Radiosunun 6 noyabr 1926-cı ildə efirə çıxması ilə bağlıdır. "Diqqət, danışır Bakı" sözləri ilə yayıma başlayan Azərbaycan Radiosu Şərqdə ilk radiodur. Onun fonotekasında 100 mindən çox musiqi və digər sənət incilərinin lent yazısı qorunur. Hazırda Azərbaycan Radiosu 105 FM dalğasında dinləyicilərin görüşünə gəlir.

PhotoStock.Az-ın əməkdaşı Ümumdünya Radio Günü ilə əlaqədar fotoreportaj hazırlayıb:

Daha çox foto burada: PhotoStock.Az