Ən son xəbərləri bizim "Instagram" səhifəmizdə izləyin

DYP Novruz bayramı ilə əlaqədar gücləndirilmiş rejimdə çalışacaq
Novruz bayramı ilə əlaqədar Baş Dövlət Yol Polisi İdarəsi (BDYPİ) gücləndirilmiş rejimdə fəaliyyət göstərəcək.
Oxu.Az xəbər verir ki, bu barədə BDYPİ-dən bildirilib.
Novruz bayramı ilə əlaqədar ölkə yollarında nəqliyyat vasitələrinin və sərnişin axınının artması gözlənilir
Bildirilib ki, Novruz bayramı ilə əlaqədar ölkə yollarında nəqliyyat vasitələrinin və sərnişin axınının artması gözlənilir:
"Əhalinin bölgələrə, kəndlərə səfərlərinin artması, bayram şənliklərinin keçirildiyi məkanlarda sıxlığın yaranması nəzərə alınaraq, BDYPİ yol hərəkətinin təhlükəsizliyinin təmin edilməsi məqsədilə gücləndirilmiş iş rejimində fəaliyyət göstərəcək.
Bu müddətdə respublikanın əsas yollarında, şəhərlərə və rayon mərkəzlərinə giriş-çıxışlarda, turizm və istirahət zonalarına aparan yollarda nəzarət tədbirləri gücləndiriləcək.
BDYPİ sürücüləri və piyadaları xüsusilə diqqətli olmağa, yol hərəkəti qaydalarına ciddi riayət etməyə çağırır".
"Sürücülərə uzun səfərlər öncəsi nəqliyyat vasitələrinin texniki vəziyyətini yoxlamaları, yorğun halda sükan arxasına əyləşməmələri tövsiyə edilir.
Bayram günlərində sərnişindaşıma ilə məşğul olan sürücülərə isə reysqabağı nəqliyyat vasitələrini texniki cəhətdən saz vəziyyətdə saxlamaq və sürət həddini aşmamaq tövsiyə olunur.
BDYPİ bir daha bütün yol hərəkəti iştirakçılarının bayramını təbrik edir və yol hərəkəti təhlükəsizliyə birgə töhfə verməyi xahiş edir", - deyə məlumatda qeyd olunub.
"Baş Dövlət Yol Polisi İdarəsi (BDYPİ)" teqi üzrə xəbərlər
- Bayram günlərində avtomobillərini texniki müayinədən keçirmək istəyənlərin NƏZƏRİNƏ
- Yol polisindən XƏBƏRDARLIQ
- Dövlət Yol Polisi səhhətində ciddi problemlər olan sürücülərə MÜRACİƏT ETDİ
- BDYPİ: "Avtonəqliyyat vasitələrində qaz avadanlıqlarının quraşdırılması tövsiyə edilmir"
- Bakıda avtobus zolağını parklanma yerinə ÇEVİRDİLƏR