Martın 20-si axşamdan əsən küləklə əlaqədar paytaxtda 10 ünvanda ağac aşıb, iki ünvanda isə iri budağın sınıb düşməsi halı baş verib.
Bu barədə Oxu.Az-ın sorğusuna cavab olaraq Bakı Şəhər Yaşıllaşdırma Təsərrüfatı Birliyindən məlumat verilib.
Bildirilib ki, hadisələr, əsasən, Nərimanov, Yasamal, Nizami rayonlarında qeydə alınıb:
"Aşan ağaclar qovaqdır. Onların aşma səbəbi güclü külək və yaşlarının həddindən artıq çox olmasıdır".
"Ağacların aşması və iri budaqların sınaraq düşməsi hər hansı bir fəsad törətməyib. Bundan əlavə, birliyin əməkdaşları paytaxtın bütün rayonlarında növbətçilik əsasında fəaliyyət göstərirlər. Davam edən küləkli hava şəraiti ilə bağlı bundan sonra da hər hansı hadisə baş verərsə, ağacların və budaqların götürülməsi operativ şəkildə həyata keçiriləcək", - deyə məlumatda qeyd olunub.
Aygün Mirakif
