"Düşmən bilsin ki, Dəmir yumruq varsa, biz varıq, biz var olduqca, Dəmir yumruq da olacaq".
Oxu.Az "Report"a istinadən xəbər verir ki, bunu Həsənriz kənd sakini Reyhan Həsənova deyib.
Onun sözlərinə görə, doğma yurdlarına dönməyin belə tez olacağını gözləməyiblər:
"Yurd boş qalmaz. Biz hər zaman bu ideya ilə yaşadıq və inamımızı möhkəmlətdik. Hələ uşaqkən böyüklərimizin ermənilər tərəfindən zəbt edilən yurd yerlərinə baxıb köks ötürdüklərinin şahidi olurduq. Kəndimiz işğal olunanda da sinəmizə dağ çəkildi. Amma inamımızı itirmədik. Çox şükür bu günə.
Arzularımız çin oldu, indi daimi öz kəndimizə köçürük. Qorxusuz, problemsiz yaşamaq üçün. Amma düşmənə bir mesajımız da var. Qoy bilsin ki, Dəmir yumruq varsa, biz varıq, biz var olduqca, Dəmir yumruq da olacaq".
