Ən son xəbərləri bizim "X" səhifəmizdə izləyin

Yol tikintisi zamanı ikiyə bölünən obyektə görə kompensasiya ödəniləcək?
"Sözügedən obyekt işlək deyil və sahibinə kompensasiya ödəniləcək".
Bunu Oxu.Az-ın sorğusuna cavab olaraq Azərbaycan Avtomobil Yolları Dövlət Agentliyinin (AAYDA) İctimaiyyətlə əlaqələr şöbəsinin rəisi Anar Nəcəfli deyib.
"Obyekt tikinti altına düşüb və sökülməsi nəzərdə tutulub. Buna görə obyekt sahibinə kompensasiya ödənilməsi üçün aidiyyəti üzrə müraciət olunub. Yaxın müddət ərzində obyekt sahibinə kompensasiyanın ödənilməsi təmin olunacaq
Onu da qeyd edim ki, artıq obyekt sahibi ilə söhbət aparılıb və kompensasiya məbləği barədə məlumat verilib", - deyə A.Nəcəfli bildirib.
İsmayıllı rayonunun Basqal kəndi ərazisində torpaq sürüşməsi nəticəsində ikimərtəbəli tikiliyə ciddi ziyan dəyib.
Bu barədə Oxu.Az-a məlumat verilib.
Qeyd olunub ki, yol tikintisi zamanı evin yan-yörəsi qazılıb. Bundan sonra isə yolda çökmə əmələ gəlib və torpaq sürüşməsi baş verib.
"Nəticədə Mais Ağayusif oğlu Əhmədova məxsus ikimərtəbəli tikili ikiyə bölünüb. Hazırda ərazi təhlükəli vəziyyətdədir", - deyə məlumatda bildirilir.
Əzizə İsmayılova
"Torpaq sürüşməsi" teqi üzrə xəbərlər
- İsmayıllıda kənd sakinləri çarəsiz qalıblar: "Aidiyyəti qurumlara müraciət etsək də, baxmadılar"
- Bakıda sürüşmə və qaya uçqunu TƏHLÜKƏSİ VAR - XƏBƏRDARLIQ
- Çində torpaq sürüşməsi nəticəsində 30-dan çox insan itkin düşüb
- Bakıda gecə binanın arxasında torpaq sürüşməsi baş verib
- Rayonlarda sürüşmə əraziləri AKTİVLƏŞDİ: Evlərə təhlükə YARANDI