Masazırı su basdı - FOTO + YENİLƏNİB

Abşeron rayonu Masazır qəsəbəsi “Qurtuluş-2” yaşayış kompleksinin yaxınlığında su borusu partlamayıb. 

Bu barədə Oxu.Az-a “Azərsu” ASC-dən məlumat verilib.

Məlumata görə, ərazidən keçən magistral xətlər boşaldılan zaman yüksək təzyiq səbəbindən ətrafa su axıntısı olub:

“İki gündür ərazinin bu vəziyyətdə olması əsassız məlumatdır. Hadisə bu gün baş verib və “Azərsu” ASC-nin əməkdaşları əraziyə cəlb edilib. Çox qısa müddət ərzində problem aradan qadırılıb. Masazır qəsəbəsi “Qurtuluş-2” yaşayış kompleksində heç bir problem qalmayıb”.

11:14

Abşeron rayonu Mazasız qəsəbəsi “Qurtuluş-2” yaşayış kompleksinin yaxınlığında su borusu partlayıb.

Oxu.Az-ın məlumatına görə, bununla bağlı fotoları Məmmədova Mənsimova Xəyalə sosial şəbəkələrdə paylaşıb.

Bildirilir ki, hadisə “Qurtuluş-2” yaşayış kompleksində yerləşən məktəbin yanında iki gün əvvəl baş verib.

Sakinlər dayanmadan axan suyun yolları bərbad hala salmasından şikayət edir. Ərazidən keçən maşın yolunun hər iki tərəfində gölməçələr yaranıb. Su borusunun hansı səbəbdən partladığı məlum deyil.

Könül Cəfərli