"Sumqayıt şəhəri, Novxanı yolu, Sahil küçəsində baş verən yol-nəqliyyat hadisəsi zamanı üç nəfər xəsarət alıb.
Bunu Oxu.Az-a açıqlamasında Baş Dövlət Yol Polisi İdarəsinin (BDYPİ) inspektoru, polis leytenantı Elvin Hacıyev deyib.
"Sözügedən yol-nəqliyyat hadisəsi Sumqayıt şəhəri, Novxanı yolu, Sahil küçəsində saat 12:15-də qeydə alınıb.
"KIA Ceed" markalı 77-DC-249 dövlət nömrə nişanlı avtomobilin sürücüsü Musa İsmayıl oğlu Musayev yolun əks istiqamətinə çıxaraq qarşıdan gələn "Hyundai Sonata" markalı 50-EA-070 dövlət nömrə nişanlı avtomobilə çırpılıb. Qəza nəticəsində "Hyundai Sonata"da olan sürücü və iki sərnişin xəsarət alıb.
Faktla bağlı araşdırma aparılır", - deyə qurum rəsmisi bildirib.
Binəqədi-Novxanı-Sumqayıt yolunda avtomobil qəzası baş verib.
Oxu.Az-ın məlumatına görə, bu gün günorta saatlarında qeydə alınan qəza zamanı "Hyundai" və KIA markalı avtomobillər toqquşub.
Hadisə zamanı ölən və ya xəsarət alanlarla bağlı məlumat yoxdur.
Qəza yerinə Dövlət Yol Polisi (DYP) əməkdaşları cəlb olunublar.
Faktla bağlı araşdırmalar davam etdirilir.
Əzizə İsmayılova
Rəylər