Ötən il Azərbaycanda neçə nəfəri heyvan dişləyib?

Ötən il 43 011 nəfər heyvan dişləməsinə məruz qalıb.

Oxu.Az xəbər verir ki, bu barədə Səhiyyə Nazirliyi Respublika Gigiyena və Epidemiologiya Mərkəzindən APA-nın sorğusuna cavab olaraq bildirilib.

Vurğulanıb ki, ölkə üzrə 2024-cü il ərzində heyvan dişləməsinə məruz qalanların sayı 957 nəfər azalaraq 43 011 nəfər olub, bunlardan 23 545 məlum, 19 466 naməlum heyvan tərəfindən qeydə alınan dişləmə hadisələridir.

"O cümlədən, Bakı şəhəri üzrə qeydə alınan dişləmə hadisələrinin sayı 2023-ci ildə - 10 515 olduğu halda, 2024-cü ilin müvafiq dövründə 85 hadisə azalaraq 10 430 hadisə olub", - deyə qeyd olunub.