2020-ci ilin 44 günlük Vətən müharibəsinin nəticəsi olaraq, Azərbaycan xalqı böyük zəfərə imza atdı və öz doğma torpaqlarına qovuşdu. Bu gün şəhidlərimizin və qazilərimizin canı, qanı bahasına əbədiləşən Zəfərimizin beşinci ildönümüdür.
Oxu.Az-ın hazırladığı videoreportajda da Zəfər Gününün əhəmiyyəti - ordumuzun şücaəti, xalqımızın birlik və vətənpərvərlik ruhu fonunda Birinci Qarabağ müharibəsi veteranları, döyüşçülər və şəhid ailələri müharibə dövründəki xatirələri ilə yanaşı, həm də gələcəyə olan inam və qətiyyətlərindən bəhs ediblər.
Belə ki, müsahiblərimiz - Birinci Qarabağ müharibəsi veteranı Şünasi Babayev, Şuşa Ərazi Özünümüdafiə Batalyonunun komandiri Fəxrəddin Səfərov, Şuşanın sabiq polis rəisi Orduxan Kərimov və Xankəndi sakini, şəhid atası Kamran Nəsirov - hər biri Zəfər təəssüratını bölüşüb, gələcəyə olan ümidlərindən danışıb.
Bu reportaj həm də ərazi bütövlüyümüz və suverenliyimizin tam bərpası uğrunda şəhid olan, qazilik mərtəbəsinə yüksələn hər bir vətəndaşımıza böyük ehtiramımızı və minnətdarlığımızı ifadə edir.
Mərahim Nəsib
Video: Əqdəm Qasımov
