Aprelin 2-si axşam saatlarında Rusiyanın Mordoviya Respublikasının Saransk şəhərində azərbaycanlı saxlanılıb.
Mordovmedia.ru portalının məlumatına görə, Azərbaycan vətəndaşı şəhərdəki mehmanxanalardan birində insidentin səbəbkarı olub.
Azərbaycanlı dostları ilə birlikdə spirtli içki qəbul etdikdən sonra mehmanxana əməkdaşı ilə dalaşıb və ona yumruq zərbəsi endirib.
Hadisədən sonra o saxlanılıb və məlum olub ki, həmin şəxs alimentdən yayınma səbəbindən federal axtarışda olub.
Faktla bağlı araşdırmalar davam edir.
