Yol kənarına atılan sahibsiz avtomobillər ərazidən götürüldü - AÇIQLAMA

"Bakının Xətai rayonu, Lütfi Zadə küçəsindəki sahibsiz avtomobillər ərazidən götürülüb".

Bu məlumatı Oxu.Az-ın sorğusuna cavab olaraq Bakı Şəhər Dövlət Yol Polis İdarəsinin bölmə rəisi Toğrul Nəsirli verib.

O, qeyd edib ki, adıçəkilən ünvanda nəqliyyat vasitələri evakuasiya olunaraq ən yaxın mühafizə olunan duracağa yerləşdirilib.

"Bu cür nəqliyyat vasitələrinin sahiblərindən xahiş edirik ki, avtomobillərini yolun hərəkət hissəsində saxlamasınlar, çünki bu, yolun buraxıcılıq qabiliyyətinin aşağı düşməsinə, sıxlığın yaranmasına, eləcə də yol-nəqliyyat hadisələrinin baş verməsinə real zəmin yaradır", – deyə T. Nəsirli vurğulayıb.

11:32

Bakının Xətai rayonu, Lütfi Zadə küçəsində iki avtomobil yol kənarına atılıb.

Oxu.Az xəbər verir ki, bununla bağlı sosial şəbəkədə videogörüntü paylaşılıb.

Qeyd olunur ki, yararsız vəziyyətdə olan iki "Toyota Prius" markalı avtomobil aylardır ki, yolun kənarına atılıb.

"Salonlarını dağıdıb, işıqlarını qırıb-töküblər. Avtomobillər heç nəyə yaramasa da, onları ərazidən götürən yoxdur", - deyə şikayətçi yazır.

Videonu təqdim edirik:

Əzizə İsmayılova