124 il həbs cəzasına məhkum edilən şəxs İstanbulda ələ keçirildi

Türkiyənin İstanbul şəhərinin Eyüpsultan rayonunda müxtəlif cinayətlər üzrə 124 il həbs cəzasına məhkum edilən şübhəli şəxs ələ keçirilib və həbsxanaya göndərilib.

Bu barədə Oxu.Az "Haber Global"a istinadən xəbər verir.

Həmçinin 8 milyon lirədən (358 min manat) çox pul cəzası da olan Atilla Karzan adlı şəxsin tutulması üçün kəşfiyyat məlumatları əsasında əməliyyat həyata keçirilib.

Karzanın qaldığı ünvanı müəyyən edən polis qrupları mənzilin yerləşdiyi ərazinin əhatəyə alıblar və Atilla tutularaq nəzarətə götürülüb.

Aparılan Ümumi Məlumat Toplama sorğusunda Atilla Karzanın "30 ədəd qarşılıqsız çeklə əməliyyat etmək", "hökm oxunmuş məhkumun qaçmasına kömək etmək" və "rəsmi sənədlərdə saxtakarlıq" cinayətləri üzrə axtarışda olduğu müəyyən edilib.

Şübhəlinin evində axtarış zamanı bir ədəd sənədsiz silah və 13 ədəd patron müsadirə edilib.

Karzan polis bölməsindəki əməliyyatlardan sonra çıxarıldığı məhkəmə tərəfindən həbs edilərək cəzaçəkmə müəssisəsinə göndərilib.

124 il həbs cəzasına məhkum edilən şəxs İstanbulda ələ keçirildi