ABŞ-də Çindən olan tələbələr üçün vizaların ləğv edilməsinə başlanılacaq.
Oxu.Az-ın xəbərinə görə, bu barədə ABŞ dövlət katibi Marko Rubio "X" sosial şəbəkəsində məlumat verib.
"ABŞ çinli tələbələr, o cümlədən Çin Kommunist Partiyası ilə əlaqəli olanlar və ya əsas ixtisaslar üzrə təhsil alanlar üçün vizaları ləğv etməyə başlayacaq", - deyə o bildirib.
Rubio əlavə edib ki, ABŞ Honq-Konq da daxil olmaqla, Çindən olan ərizəçilər üçün viza tələblərini dəyişəcək. Yeniliklər vizaların verilməsi zamanı daha hərtərəfli yoxlamalar aparmağa kömək edəcək.
