ABŞ-də tərk edilmiş, 1972-ci il istehsalı olan "Dodge Challenger" avtomobili aşkar edilib. İdman kupesi 45 ildir ki, qarajda qalıb.
Oxu.Az xəbər verir ki, bu tapıntı barədə "Autoevolution" məlumat yayıb.
"Dodge Challenger Rallye" kupesi 1979-cu ilə qədər istifadə olunub. Avtomobil kiçik qəzada iştirak edib və kuzovunda bir neçə cızıqla qaraja qoyulub.
Buna baxmayaraq, avtomobil yaxşı vəziyyətdədir, amma kupenin salonunun kimyəvi təmizləməyə ehtiyacı var.
1972 "Dodge Challenger Rallye" versiyası 5,6 litrlik 240 at gücü olan V8 ilə təchiz edilib. 3 pilləli avtomatik transmissiya ilə kupe 100 km/saata 8,5 saniyəyə sürətlənir və maksimal sürəti 200 km/saata çatır.
Hal-hazırda nadir avtomobil "eBay"da satışa çıxarılıb. Belə avtomobillərin orta qiyməti təxminən 40 min dollardır.
