ABŞ Federal Ehtiyat Sisteminin (FES) rəhbəri Cerom Pauell Ədliyyə Nazirliyinin onu cinayət ittihamları ilə hədələdiyini bəyan edib.
Oxu.Az xəbər verir ki, bu barədə FES-in saytında məlumat verilib.
"Yanvarın 9-da Ədliyyə Nazirliyi keçən ilin iyun ayında Senatın Bank Komitəsində verdiyim ifadələrlə bağlı cinayət ittihamları ilə hədələyən böyük münsiflər heyətinin çağırış vərəqələrini təqdim edib", - deyə Pauell bildirib.
Onun sözlərinə görə, bu ifadəsi xüsusən FES-in tarixi binalarının yenidən qurulması üzrə çoxillik layihə ilə bağlı olub.
Pauell həmçinin qeyd edib ki, görünməmiş hərəkət ABŞ Prezidenti Donald Tramp Administrasiyası tərəfindən təhdid və təzyiqlərə daha geniş kontekstdə baxılmalı olduğunu göstərir.
Pauell əlavə edib ki, onunla bağlı cinayət ittihamları bir bəhanədir. O iddia edib ki, FES-in faiz dərəcələrini Ağ Evin deyil, ictimai maraqlara uyğun qiymətləndirməsi ona qarşı təzyiqlərin əsl səbəbidir.
