ABŞ-də Federal Dairə Məhkəməsi ABŞ Sülh İnstitutunun (USIP) prezidentinin və bir neçə idarə heyəti üzvünün işdən çıxarılması ilə bağlı Hökumət Səmərililiyi Departamentinin (DOGE) qərarını ləğv edib.
Oxu.Az-ın məlumatına görə, bu barədə CBS məhkəmə sənədlərinə istinadla xəbər verib.
Qərarda ABŞ Prezidenti Donald Trampın səlahiyyət həddini aşdığı və təşkilatın ləğvi barədə göstərişinin qanunsuz olduğu bildirilib.
Qeyd edək ki, mart ayında İlon Maskın kurasiyasında olan DOGE institutda kütləvi ixtisarlar aparmış və rəhbərliyə öz adamını təyin etmişdi. Bundan sonra qurumun binası dövlətə verilmək istənilib. Lakin məhkəmə bu prosesin dayandırılmasına qərar verib və işdən çıxarılan şəxslərin bərpasını tələb edib.
USIP 1984-cü ildə müstəqil və bitərəf qurum kimi yaradılıb. Məqsədi qlobal münaqişələrin qarşısını almaq və onların həllinə töhfə verməkdir.
