Serbiya Prezidenti Aleksandar Vuçiç səlahiyyət müddətinin başa çatmasının yaxınlaşması fonunda istefa verə biləcəyini açıqlayıb.
Oxu.Az N1 telekanalına istinadən xəbər verir ki, bu barədə Serbiya lideri Çinə səfəri zamanı məlumat verib.
"Tezliklə istefa verə bilərəm", - deyə dövlət başçısı bildirib.
Vuçiç ilk dəfə 2017-ci ildə Serbiya prezidenti postunu tutub. O, 2022-ci ildə ikinci müddətə yenidən seçilib. Onun səlahiyyət müddəti 2027-ci ildə başa çatır.
Mayın 21-də Vuçiç parlament seçkisinin payızda, sentyabrın sonu ilə noyabrın ortaları arasında keçiriləcəyini bəyan edib. Ölkənin Xalq Skupşinasının (birpalatalı parlament) sədri Ana Brnabiç hakim Tərəqqi Partiyasının qarşıdan gələn parlament seçkisində Vuçiçi baş nazirliyə namizəd göstərəcəyini açıqlayıb.
