Almaniyanın cənubundakı Passau şəhərində (Bavariya federal əyaləti) avtomobil bir qrup insanın üzərinə çırpılıb. Polis hadisənin qəsdən törədildiyini istisna etmir.
Oxu.Az xəbər verir ki, bu barədə "Bild" məlumat yayıb.
Məlumata görə, "Mercedes"i 48 yaşlı kişi idarə edib. Sürücü saxlanılıb.
Hüquq-mühafizə orqanlarının ilkin qənaətinə görə, izdihamda sürücünün 38 yaşlı arvadı və 5 yaşlı qızı da olub. Polis kişinin bu hərəkəti qəsdən edib-etmədiyini müəyyənləşdirir.
Hazırda xəstəxanada sürücünün həyat yoldaşı və qızı da daxil olmaqla beş nəfər var. Üç nəfər ağır yaralanıb.
Faktla bağlı araşdırma aparılır.
