Dekabrın 14-də Sidneydə (Avstraliya) baş verən terror aktında ən azı 40 nəfər yaralanıb.
Oxu.Az xəbər verir ki, bu barədə Yeni Cənubi Uels ştatının polisi məlumat yayıb.
Məlumata görə, yəhudilərin qeyd etdiyi Hanuka bayramında baş verən atışmada 16 nəfər (o cümlədən terrorçulardan biri) ölüb.
Xatırladaq ki, ötən gün Sidneydə Bondi çimərliyi yaxınlığında naməlum silahlı bayram tədbiri zamanı insanlara atəş açıblar. Hadisə yerində əksəriyyəti uşaqlı ailələrdən ibarət mindən çox insan olub.
Avstraliyanın Sidney şəhərindəki Bondi çimərliyində atəş açan silahlı şəxslərdən biri yoldan keçən kişi tərəfindən zərərsizləşdirilib.
Oxu.Az xəbər verir ki, bu barədə sosial şəbəkələrdə görüntülər yayılıb.
Videodan görünür ki, kişi arxadan xəlvətcə silahlı şəxsə yaxınlaşıb və tüfəngi zorla onun əlindən ala bilib. Silahsız qalan cinayətkar hadisə yerindən uzaqlaşıb.
Qeyd edək ki, Avstraliyanın Yeni Cənubi Uels ştatının polis komissarı Mol Lanyon çimərlikdəki atışmanı terror aktı kimi təsnif edib.
Avstraliyanın Sidney şəhərindəki Bondi çimərliyində baş verən atışmada ölənlərin sayı 12 nəfərə çatıb.
Oxu.Az BBC-yə istinadən xəbər verir ki, bu barədə məlumatı Yeni Cənubi Uels ştatının naziri Kris Minns paylaşıb.
Onun sözlərinə görə, hadisə nəticəsində yaralanmış 29 nəfər müxtəlif xəstəxanalara yerləşdirilib:
"Yaralılardan ikisi polis əməkdaşıdır. Onların vəziyyəti ağır qiymətləndirilir".
Nazir əlavə edib ki, atəş açmış cinayətkarlardan biri öldürülüb, daha biri isə yaralı halda saxlanılıb və o, ağır vəziyyətdə xəstəxanaya yerləşdirilib.
Avstraliyanın Sidney şəhərində Hanukka yəhudi bayramının qeyd edilməsi zamanı Bondi çimərliyində atışma baş verib.
Oxu.Az xarici KİV-ə istinadən xəbər verir ki, iki kişi avtomobildən çıxaraq ətrafdakılara atəş açıb.
Məlumata görə, azı 12 dəfə atəş açılıb.
İnsident nəticəsində aralarında uşaqların da olduğu 10 nəfər həlak olub, 60 nəfər isə yaralanıb. Bayramın keçirildiyi yerə 2 000 nəfərin toplaşdığı qeyd edilir.
İki silahlı şəxsdən biri zərərsizləşdirilib, digəri isə yaralı halda ələ keçirilib.
