Bağdadın şimalındakı Et-Taci bazasındakı hərbi düşərgə naməlum pilotsuz təyyarə ilə hücuma məruz qalıb.
Oxu.Az xəbər verir ki, bu barədə İNA agentliyi məlumat yayıb.
"Mənşəyi naməlum pilotsuz təyyarə Et-Taci hərbi düşərgəsindəki mövqelərdən birinə hücum edib", - məlumatda bildirilib.
Bağdaddakı hərbi əməliyyatların komandiri Valid ət-Təmiminin sözlərinə görə, itki yoxdur.
Bundan bir gün əvvəl İran Qətər və İraqdakı ABŞ hərbi bazalarına qarşı əməliyyata başlayıb.
