Birləşmiş Ərəb Əmirlikləri İranın hücumlarından sonra ABŞ-yə və digər müttəfiqlərinə Hörmüz boğazını zor gücünə açmağa kömək etməyə hazırlaşır.
Oxu.Az xəbər verir ki, bu barədə "The Wall Street Journal" qəzeti ərəb rəsmilərinə istinadən məlumat yayıb.
Qeyd olunub ki, Əbu-Dabi bu cür addımların atılmasına icazə verən BMT Təhlükəsizlik Şurasının qətnaməsinin qəbul edilməsinə çalışır.
Nəşrin məlumatına görə BƏƏ diplomatları ABŞ-ni, Avropa və Asiyadakı hərbi gücləri boğazı güclə açmaq üçün koalisiya yaratmağa çağırır.
"BƏƏ nümayəndəsinin sözlərinə görə, İran rejimi sağ qalmaq uğrunda mübarizə apardığını düşünür və boğazı nəzarətdə saxlayaraq qlobal iqtisadiyyatı "boğmağa" hazırdır", - deyə qəzetdə qeyd olunub.
