ABŞ-yə məxsus "Swift" kosmik rəsədxanası orbitdən çıxıb və Yer atmosferinin sıx qatlarında yanaraq məhv olub.
Oxu.Az xəbər verir ki, bu barədə NASA-nın rəsmi veb-saytında məlumat dərc edilib.
"ABŞ Kosmik Qüvvələri təsdiqləyib ki, "Swift" stansiyası çərşənbə günü səhər saat 07:39-da (Bakı vaxtı ilə 16:39 - red.) İndoneziyanın Şimali Sumatra bölgəsi üzərində Yer atmosferinə daxil olub. NASA orbital teleskopun böyük bir qisminin atmosferdən keçərkən yanacağını, lakin bəzi hissələrin düşməyə tab gətirə biləcəyini proqnozlaşdırmışdı", - deyə məlumatda qeyd olunur.
Bununla da aparatın 22 illik missiyasına yekun vurulub.
NASA "Swift" stansiyasını 2004-cü ildə orbitə çıxarmışdı. Teleskopun əsas vəzifəsi ifrat yeni ulduzların partlaması kimi böyük kosmik hadisələr nəticəsində yaranan qamma-şüalanma tullantılarını, yəni qamma-partlayışları qeydə almaq idi. Sonradan o, digər müşahidələr üçün də, əsasən köməkçi alət kimi istifadə edilməyə başlandı.
Teleskopun düşməyini gecikdirmək məqsədilə onun orbitini tənzimləmək üçün 2026-cı ilin yayında "Katalyst Space Technologies" özəl şirkətinin iştirakı ilə missiya həyata keçirilmiş, lakin bu cəhd uğursuzluqla nəticələnmişdi.
