Cənubi Koreyada təyyarə qəzasına faciəli amillərin toplusu səbəb olub

Cənubi Koreyada "Jeju Air" aviaşirkətinin təyyarəsinin partlaması ilə nəticələnən qəzaya faciəli amillərin toplusu səbəb olub.

Oxu.Az-ın məlumatına görə, bu barədə ekspertlər "The New York Times" nəşrinə danışıblar.

Koreya Aviasiya Təhlükəsizliyi Assosiasiyasının sədri Hvanq Ho Vonun sözlərinə görə, şassi imtina etdiyi təqdirdə pilotlar adətən enmək üçün tələsmirlər, lakin bu vəziyyətdə pilot vaxtının olmadığını düşünüb. Koreya Açıq Kiber Universitetinin ictimai təhlükəsizlik professoru Pek Sın Çjunun fikrincə, şassinin imtinasına mühərrikin nasazlığı səbəb ola bilərdi ki, bu da pilotu bir neçə dəqiqə ərzində hərəkət etməyə məcbur edib.

Həmçinin uçuş-enmə zolağının tikinti işləri üzündən 2.8 km-dən 2.5 km-ə qədər qısaldılması da faciəyə səbəb olub. Bu zaman təyyarə həmişəkindən daha uzaqda yerə enib və bu məsafə kifayət etməyib. Bəzi ekspertlər əmindirlər ki, əgər zolağın sonunda beton lokallaşdırıcı anten olmasaydı, qəzanın qarşısını almaq olardı - təyyarə məhz ona çırpıldıqdan sonra partlayış baş verib.