Çikaqo şəhərində baş verən silahlı hücum nəticəsində altı nəfər xəsarət alıb.
Oxu.Az xəbər verir ki, bu barədə məlumatı ABC telekanalı yayıb.
Hüquq-mühafizə orqanlarının məlumatına görə, şəhərin yaşayış massivlərinin birində naməlum şəxs idarə etdiyi avtomobillə hərəkətdə olarkən toplaşan insanlara doğru atəş açıb. Hadisə nəticəsində 33-46 yaş aralığında olan dörd kişi və iki qadın yaralanıblar. Zərərçəkənlərdən birinin vəziyyətinin ağır olduğu bildirilir.
Hazırda cinayətin başvermə səbəbləri araşdırılır. Polis hadisəni törədən şəxsin axtarışlarını davam etdirir.
Qaynar xətt:
(055) 224 12 12
