Con Kennedini sui-qəsddən xilas edə bilməyən məxfi xidmət agenti öldü

ABŞ-nin 35-ci Prezidenti Con Kennedinin öldürüldüyü gün onu qorumağa çalışan və dövlət başçısının həyat yoldaşı Jaklinə öz bədəni ilə sipər olan ABŞ Məxfi Xidmətinin agenti Klint Hill öz evində dünyasını dəyişib.

Oxu.Az-ın xəbərinə görə, bu barədə CNN telekanalı məlumat verib.

"1963-cü il noyabrın 22-də Dallasda güllələrin önünə keçərək Prezident Con Kennedini və birinci xanımını qorumaq istəyən Klint Hill 93 yaşında vəfat edib", - deyə nəşr yazıb.

Telekanalın məlumatına görə, həmin faciəli gün Klint Hill Jaklin Kennedini mühafizə etməli idi və sui-qəsddən əvvəl prezidentin avtomobilinin ardınca gedən maşının içində idi. Atışma səsləri eşidiləndə Hill Kennedi cütlüyün maşınına tullanıb və öz bədəni ilə Jaklinə sipər olub, lakin prezidenti xilas edə bilməyib.