Nepalda azı 31 nəfərin həyatına son qoyan fəlakətli daşqın ölkənin infrastrukturuna ən azı 200 milyard Nepal rupisi (1.3 milyard dollar) həcmində ziyan vurub.
Oxu.Az "Online Khabar" portalına istinadən xəbər verir ki, bu barədə ölkənin infrastruktur naziri Sunil Lamsal məlumat verib.
"İnfrastruktura təxminən 200 milyard rupi ziyan dəydiyi barədə məlumat əldə etmişik. Ən böyük zərər yollara və körpülərə dəyib", - deyə nazir bildirib.
Qeyd edək ki, daşqınlar bu gün səhər saatlarında Nepalın şimal bölgələrində baş verib. İlkin ehtimallara görə, sel dalğası Nepal və Çin sərhədində qar və qaya uçqunu nəticəsində yaranıb. Yerli rəsmilər 300-ə yaxın xarici turistin itkin düşdüyünü bildirirlər.
Qaynar xətt:
(055) 224 12 12
